Bensin Welin Gereka, Hode Balsem

Sabtu, tanggal puluh rua nong rua, wulan nemen, tun 2013, bensin welin gereka kae. Nolo ribu pat ratu lema, welin muring ribu nem, Rp 6.000. Welin nepi te SPBU. Teti lewo, Flores Timur, Lembata, pira? Go koi hala.

 Waktu go balik libur, bensin teti Lewoleba Rp 10.000 buli tou te laran herin. Berarti pedagang gute untung ribu lema ratu lema. Mungkin pi leron bensin teti lewo, Ile Ape, Lembata, Rp 15.000. Uhhh... welin kae ge!

 Bensin welin gereka nepi ti bekin ina, ama, kaka, ari... tambah susah. Aku-aku weke kae musti welin gereka. Hope tahan, kesabo, ikan, ale lolon... tambah susah. Pegawe nong gaji raen. Ina ama ola rae man... tabe aku? Nepe ti pakan BLSM, doit teratu puluh lema, Rp 150.000, bantuan langsung sementara.

 Go peten lewo, mungkin tite lewo tou hode BLSM.... Ra anggap tite gakin, keluarga miskin, doite take, ola man di nepa kahen. Nolo BLSM naranen BLT, bantuan langsung tunai, ribun teratu.... Hode doit nepe tang hope labur, wata wai... gohuka mihin.

 Pemerenta maring meri BBM welin gereka nepe ti doit subsidi rang tula infratsruktur. Laran belen, pelabuhan, lapangan terbang, listrik, oto bis... Mio persaya le take? Go persaya hala di. Nolo pemerenta di maring nepa: BBM welin gereka ti ata belen tula laran.

 Eh, pas go longet Lewotanah, go onek kurang-kurang. Laran belen Lewoleba tai Ile Ape data laga gohuk. Aspal edi sare mulai Lamahora sampe Waipukang. Laran ahaken pe medo-medo. Tite tete sepeda di jadi hala muri. Nolo tite biasa toi ata diken gere sepeda teti lewo. Pi go koi hala muri.

 Bensin welin gereka, tite musti tete sepeda muri. Gere ojek tai Lewoleba welin ayaka. Go gere ojek lali Bandara Wunopito kai Bungamuda pate ribun puluh lema. Kalo uran beleku-beleku, ojek alawen nepe leta ribun teratu. Padahal, laran di doa hala, kilon puluh rua nong telo.

 "Pi muringen tite huda ata diken jadi hala. Tite pate ki beng ra nawo tite," arik tou maring nepa.

 Ben tite maring meri aku. Doi take pe susa tudak!