Puasa hama hala muri

Masjid Nurul Jannah di Mawa, Lembata, NTT.

Wia hulemen go nawo Memeng Yati mai kuburan Ngagel, Surabaya. Na anaken amalake tou teika tepe. Matay lelaten kae, nolo pas wulanen tou. Pi memeng mehaka, anaken take.

Memeng maring meri na puasa Jumat. "Pemerintah puasa Sabtu, Muhammadiyah Jumat. Mo alawem pile dore Jumat le Sabtu," go maring nepa.

Memeng Yati dore Jumat. Pana nolo ti sainga nolo. Na maring meri masjid teti lango papa taraweh pertama Kamis rema, jadi puasa Jumat. "Go niat kae, insyaallah puasa lancar. Tun waiken ia go puasa leron 30," na maring go.

Semoga lancar!

Puken aku puasa 2012 nepi hama hala? Muhammadiyah nolo, pemerintah nong NU, ormas ayaken beng dore Sabtu? Susah, nepi masalah keyakinan raen: niku wulan muringen nong hisab le metode aku muri?

Menteri agama maring meri ana bai keker wulan kae ro ra roi wulan muringen hala. Wulan take paera. Kesimpulan: Sabtu beng puasa resmi versi pemerintah. Hama-hama watanen, puasa hama hala.

Agama nepe soal keyakinan ana bai raen. Pemerintah paksa bisa hala. Mio puasa Jumat, Sabtu, le puasa hala (ata kiwanan)... tite tetap toi wekike sare-sare, saling hormat.