Patang kolak wewe, muko, uwe

Minggu rua ia go kerung Sinse Darmawan. Amak tunen 70 nepi ata molan Sinan pin Surabaya, praktek akupunktur teti Jalan Sulawesi. Ata molan sinan nepe heloka ata molan teti lewo, ro ra roi ilmu pengobatan Tiongkok kuno.

Sinse Darmawan maring meri wewe (kacang hijau) nepe mela-mela. "Bisa untuk detoksifikasi. Saya sendiri tiga kali seminggu makan kacang hijau sejak dulu," na maring nepa.

Hehehe.... Go onek nekata. Wewe nepe mela-mela tang toal racun, bibit penyakit te wekike onen. Go dahang, "Wewe nepe tite patang kolak le biho nega nai?"

Sembarang, moe tula kolak di sare. Oh, ternyata wewe teti lewo titen aya-aya bisa tang toal bibit belarak te oneket. Go beng denga khasiat wewe nepa. Nolo teti lango, kame bihu wewe tang nalingen, tao te tahan nong mata.

Wia rema go hope wewe lau wulen. Wow, wewe kilo tou pi Surabaya ribu 20. Welin-welin, wewe senaren. Go di hope muko ribu 10 taling gula mean. Kame pia maring gula jawa.

Go musti patang kolak wewe campur muko campur uwe campur gula mean campur tapo mereten (santan). Ehm, onek senang pi hulemen go bisa buay kan kolak, senelong wewe.

Ina ama kaka ari. Ayo, patang senelong wewe nong muko.


Sent from my BlackBerry® via Smartfren EVDO Network