Tuak Legen nong Arak Cukrik

Kelewuan rang tula legen, tuak kemin.

Uran tun wati, lera pelate-pelate, oneka mara-mara. Tenu wai baingi hala. Oneka mara muri. Tenu es, wai letengen, hama hena. Kota Surabaya memang pelate, nawat!

Go pana kala Jalan Raya Darmo, Taman Bungkul, dahe mesikit belen, ina ama dum tuak buraken. Go patal gelas tou, campur es batu. Hmmm... Leteng, kemi, oneke sare. Gelas tou ribu rua.

"Buli tou pira?" Go dahang. Buli aqua belen liter tou nong lola.

Na maring ribu nem. Rp 6000? Welin kae! Nolo, tun waiken go hope Rp 4500, gere 5000, gere balik. BBM welin gere, tuak welin di dore gere. Gere gere terus, lodo hala.

Go hope buli tou kete kang tenu rai lango. Tao te kulkas onen, pas pelate-pelate tenu tuak kemin... Oneket mela-mela. Segarrrrr!

Tuak kemin pin Jawa Timur naranen legen. Paling aya lali Tuban non Gresik. Tite ata Lamaholot gere tuak, ra pia bisa gere tapo nong tuak. Tuak kemin ra sereng, dum pia Surabaya. Kalo dum tuak biasa bisa hala, no alcohol.

Tapi tuak nepe di ra rang tula arak naranen cukrik. Cukrik nepe pelate-pelate, fukenek, ata aya mataya. Dum arak rang horong-horong sota rong polisi nong Satpol Polisi Pamong Praja.

Wulan tou nolo ata pito pi Surabaya mataya renu cukrik. Arak lewohn ra campur obat macam-macam.

Go kenu tuak kemin hena, kenu arak bisa hala. Tuak kemin nepe nong gua fruktosa, gunan ega tang sare wekike. Arak gunan take, alkohol nepe racun nang belo wekike.


Sent from my BlackBerry® via Smartfren EVDO Network